Հայտնի է ընտանեկան վեճերի հիմնական պատճառը

Նոր հետազոտությունը պարզել է, որ միջին վիճակագրությամբ՝ զույգերի գժտության պատճառ է դառնում այն, թե ով պետք է տան մաքրությամբ զբաղվի, ճաշ պատրաստի, ափսեները լվանա: Եվ այս պատճառը գլխավորներից մեկն է ու հաջորդում է ֆինանսական հիմքով վեճերին: Հարցվածների երկու երրորդը նշել է, որ տնային գործերի համար վեճերը տեղի են ունենում շաբաթական առնվազն 2 անգամ: Տնային գործերի և անձնական հիգիենայի պատճառով ամուսնալուծությունները նույն հարթության վրա են գտնվում: 

Հարցման 2000 մասնակիցների 24 %-ն ամուսնալուծությունների պատճառ է համարել ֆինանսական խնդիրները, 17 %-ը՝ տնային գործերը: Ամուսնալուծությունների ռեկորդային թիվ գրանցվում է հունվար ամսին: Զույգերն իրար տոների ընթացքում այնքան են հոգնեցնում, որ վազում են ամուսնալուծվելու: 

Ամուսնալուծություններն իրականում ավելի լուրջ պատճառներով են լինում, սակայն կենցաղային խնդիրները լավ առիթն են հանդիսանում դրանց համար: Հոգեբանները պնդում են, որ տան մաքրությունն ուղղակի վերջին կաթիլն է դառնում բազմաթիվ խնդիրների շարքում: 

Կանայք առավել հաճախ տառապում են ամուսնու անհավատարմության պատճառով: 

Հարցեր, պատասխաններ, մեկնաբանություններ